युनिकोड
नेपालमा सोमबारसम्म १७ हजार ८ सय ४४ जना संक्रमित पुग्दा ११ हजार ८ सय ६८ जनाले कोरोना भाइरसको संक्रमण जितेका छन्।
स्वास्थ्य तथा जनसंख्या मन्त्रालयले आज निको भई डिस्चार्ज भएका १ सय ७३ समेत गरी उक्त संख्यामा संक्रमणमुक्त भएको जानकारी दिएको हो।
सोमबार १ सय ८६ जना संक्रमित थपिएको मन्त्रालयका प्रवक्ता डा. जागेश्वर गौतमले जानकारी दिए। नेपालमा निको हुने दर पनि राम्रो रहेको छ। आजसम्म ६६.५१ प्रतिशत संक्रमित निको भएका छन्।
त्यस्तै, पछिल्लो २४ घण्टामा १ जनामात्रै रेड जोनमा रहेका छन्। अर्घाखाँचीका १ जनामात्रै रेड जोनमा रहेको मन्त्रालयले बताएको छ।
देशभरका २७ प्रयोगशालामा ४ हजार २ सय १६ जनाको थप पीसीआर परीक्षण गरिएको छ भने २२ हजार २ सय २८ क्वारेन्टिनमा रहेका छन्।
प्रतिक्रिया