यी महिलाले दिन सक्छिन्, संसारलाई सबैभन्दा पहिले कोरोनाविरुद्ध खोप

कोरोना भाइरसविरुद्धको खोप निर्माणमा अहिले विश्वका कैयौं देश तथा कम्पनी जुटिरहेका छन्। तर यी सबैका बीच अक्सफोर्ड विश्वविद्यालयले गरेको खोेप परीक्षणको सबैभन्दा बढी चर्चा छ।

उक्त विश्वविद्यालयले मानिसमा गरेको खोप परीक्षणको नतिजा प्रभावकारी देखिएको छ। अब सबै कुरा ठीक भएका खण्डमा कोरोना भाइरसविरुद्ध चाँडै प्रभावकारी खोप तयार हुनेछ।

अक्सफोर्ड विश्वविद्यालयले औषधि कम्पनी एस्ट्रेजेनेकासँग मिलेर खोप बनाइरहेको छ। अक्सफोर्ड विश्वविद्यालयको एक टोली सारा गिलबर्टको नेतृत्वमा खोप निर्माण गरिरहेको छ।

प्राध्यापक साराले नेतृत्व गरिरहेको अक्सफोर्ड विश्वविद्यालयको टोलीलाई कोरोना भाइरसविरुद्ध खोप निर्माणमा सबैभन्दा अग्रणी मानिन्छ। बीबीसी