युनिकोड
कैलालीमा कारको ठक्करबाट आमाछोराको मृत्यु भएको छ भने दुई जना गम्भीर घाइते भएका छन्।
कैलाली प्रहरीका अनुसार मंगलबार घोडाघोडी नगरपालिका १ सुखडमा पश्चिमतर्फ गइरहेको बा ८ च २१०० नम्बरको कारले ठक्कर दिँदा उनीहरूको मृत्यु भएको हो।
दुर्घटनामा घोडाघाडी नगरपालिकाकै वडा नम्बर १ का २६ वर्षीया सोनिया चौधरी र उनका छोरा ५ वर्षीय क्रिस्टन चौधरीको मृत्यु भएको हो।
साथै कारको ठक्करबाट घोडाघोडी नगरपालिकाकै वडा नम्बर १० का ४५ वर्षीय डबल शाह र लम्किचुहा नगरपालिका-१० का ४० वर्षीय जयन्द्र सुनार घाइते भएका छन्।
घाइते दुवैलाई थप उपचारका लागिउ कोहलपुर रेफर गरिएको प्रहरीले जनाएको छ। कारका चालक बर्दगोरिया गाउपालिका १ का राजेन्द्र मल्ललाई मसुरियास्थित इलाका प्रहरी कार्यालयलेनियन्त्रणमा लिएको छ।
प्रतिक्रिया