प्रहरीले बन्दाबन्दीको उल्लंघन गर्दै सडकमा प्रदर्शन गर्न खोज्ने १० जनालाई नियन्त्रणमा लिएको छ।
मंगलबार काठमाडौँको बालुवाटार क्षेत्रमा लकडाउनको विरोध गर्दै सडकमा उत्रिएका प्रदर्शनकारीलाई पानीको फोहरा हानेर हटाइएको र नियम उल्लंघन गर्ने १० जनालाई नियन्त्रणमा लिइएको महानगरीय प्रहरी परिसरका प्रमुख प्रहरी वरिष्ठ उपरीक्षक श्यामलाल ज्ञवालीले जानकारी दिए।
उनका अनुसार प्रदर्शनकारीले सरकारले बन्दाबन्दीको आदेश जारी गरेकामा त्यसको उल्लंघन गरी सडकमा समेत अवरोध गरेका थिए। सोही क्रममा पानीको फोहरा हानेर हटाइएको थियो। उनीहरुले संक्रमक रोग नियन्त्रण ऐन २०२० अनुसार कानून उल्लंघन गरेको प्रहरीले जनाएको छ।
सरकारले जेठ ३२ सम्म लकडाउनको आदेश जारी गरे पनि त्यसको उल्लंघन गर्दै विभिन्न क्षेत्रमा पसल खोल्ने, सवारी सञ्चालन गर्ने र हिँडडुल गर्ने क्रम बढेको छ। प्रहरीले विभिन्न क्षेत्रमा पसल बन्द गर्न खोज्दासमेत अवरोध भएको जनाइएको छ। सरकारले बन्दाबन्दीलाई खुकुलो बनाउने विषयमा छलफल जारी रहेको जनाएको छ। -रासस
भिडियाे:
— Nepalkhabar (@nepalkhabar) June 9, 2020प्रधानमन्त्री निवास क्षेत्रमा सामाजिक अभियन्ता र व्यवसायीको प्रदर्शन, प्रहरीले चलायो लाठी र पानीका फोहरा@nepalkhabar pic.twitter.com/v3vUQORGoK
प्रतिक्रिया