युनिकोड
मौसम पूर्वानुमान महाशाखाका अनुसार हाल (सोमबार बिहान) कोसी, मधेस, बागमती, गण्डकी र लुम्बिनी प्रदेशका केही स्थानमा हल्कादेखि मध्यम वर्षा भइरहेको छ।
अन्य प्रदेशका भने एक-दुई स्थानमा हल्का वर्षा भइरहेको मौसम महाशाखाले आज बिहान ६:४० बजे जनाएको छ।
महाशाखाका अनुसार विगत ६ घण्टामा गण्डकी, बागमती र कोसी प्रदेशका थोरै स्थानमा भारी वर्षा तथा एक-दुई स्थानमा धेरै भारी वर्षा भएको छ। सबैभन्दा बढी वर्षा सिन्धुली जिल्लाको दुधौलीमा ८५.६ मिलिमिटर मापन गरिएको छ।
सचेत गराउँदै मौसम महाशाखाले अगाडि भनेको छ, ‘पछिल्लो ६ घण्टामा देशका धेरैजसो स्थानमा वर्षा भएको छ। वर्षा गराउने बादल पश्चिमतिर सरिरहेकाले यी र आसपासका क्षेत्रहरूमा अझै थप वर्षाको सम्भावना छ, आवश्यक सतर्कता अपनाउनुहोला।’
प्रतिक्रिया