युनिकोड
चितवनको भरतपुर महानगरपालिका-१ आँपटारी चोकमा तीन वटा सवारीसाधन एक-आपसमा ठोक्किँदा १५ जना घाइते भएका छन्।
शनिबार मुग्लिनबाट नारायणगढतर्फ आउँदै गरेको ग १ ख ९९२५ नम्बरको बस र विपरीत दिशाबाट जाँदै गरेको लु १ च ८५५२ नम्बरको बोलेरो आँपटारी चोकमा एकापसमा ठोक्किएको जिल्ला प्रहरी कार्यालयका प्रहरी नायब उपरीक्षक (डीएसपी) रवीन्द्र खनालले बताए। उनका अनुसार, त्यही पछाडिबाट आएको बा प्र. ०३-००१ ह २५४८ नम्बरको अटो पनि ठोक्किएको हो।
तीन वटा सवारी साधन ठोक्किँदा दुर्घटनामा १५ जना घाइते भएका छन्। घाइतेमध्ये १४ जना बसमा सवार यात्रु रहेका छन्। एक जना अटोचालक घाइते भएका छन्।
घाइतेहरूमध्ये सात जनाको भरतपुर अस्पतालमा, चार जनाको चितवन मेडिकल कलेजमा र चार जनाको नेस्नल सिटी अस्पतालमा उपचार भइरहेको छ। सबै घाइतेको अवस्था सामान्य रहेको डीएसपी खनालले जानकारी दिए।
प्रतिक्रिया