कपिलवस्तुमा मात्रै ३८ जना कोरोना संक्रमित फेला परेका छन्।
आज मात्रै त्यहाँ ९ जना कोरोना संक्रमण पुष्टि भएको हो। यीसमेत गरेर कपिलवस्तुमा मात्रै कोरोना संक्रमितको संख्या ३८ पुगेको हो।
तीमध्ये २९ जना लुकिछिपी भारतबाट प्रवेश गरेको खुलेको छ। जसमा एक महिला कपिलवस्तु नगरपालिकाका स्वास्थ्यकर्मी हुन्।
बुधबार कोरोना पुष्टि भएका पुरुषमध्ये एक जना पनि भारतको महाराष्ट्रबाट वैशाखको तेस्रा साता लकडाउनको बेला लुकिछिपी नेपाल प्रवेश गरेका हुन्।
पछिल्लो तीन दिनमै भारतका विभिन्न सहरबाट फर्केका तीन हजारभन्दा बढी मानिस सीमा नाकाबाट लुकिछिपी कपिलवस्तु प्रवेश गरेका छन्। कोरोना भाइरसका कारण जारी लकडाउनका बेला भारतमा खुकुलो भएपछि अहिले कपिलवस्तुका आधा दर्जन बढी सीमा नाकाबाट लुकिछिपी आउने क्रम बढेको छ।
प्रतिक्रिया