रोल्पाको लुङ्ग्री गाउँपालिका–२ सिर्पका दुई जनाको चट्याङ लागेर मृत्यु भएको छ।
बिहीबार चट्याङबाट ६३ वर्षका भीमबहादुर विक र ४० वर्षका चित्र पुनको मृत्यु भएको रोल्पाका प्रहरी प्रमुख प्रहरी नायब उपरीक्षक चित्रबहादुर गुरुङले जानकारी दिए।
चट्याङले भीमबहादुरको एक वटा बाख्रासमेत मरेको जनाइएको छ।
घटना भए लगतै घटनास्थलमा प्रहरी चौकी सिर्प र इलाका प्रहरी कार्यालय सुलिचौरबाट प्रहरी टोली पुगेको थियो।
दुवै जनाको शव शव परीक्षणका लागि प्रथमिक स्वास्थ्य केन्द्र सुलिचौर ल्याइएको प्रहरी प्रमुख गुरुङले बताए। रासस
. 
युनिकोड
प्रतिक्रिया