‘सुदूरपश्चिममा वर्षा सुरु, काठमाडौंसहित अन्य क्षेत्रमा साँझपख’

आज (बिहीबार) पनि देशभर केही स्थानमा वर्षा हुने सम्भावना रहेको मौसमविद्ले बताएका छन्।

‘सुर्खेतमा बिहानै मेघगर्जनसहित वर्षा भइरहेको छ,’ मौसम पूर्वानुमान महाशाखाकी मौसमविद् विभूति पोखरेलले भनिन्, ‘साँझपख काठमाडौंसहित मध्य क्षेत्र र पूर्वी क्षेत्रमा पनि वर्षा हुने सम्भावना छ।’

यस्तै प्रिमनसुन भएकाले वर्षाका साथ चट्याङ, हावाहुरीको पनि स्वाभाविक रूपमा सम्भावना रहने उनले जानकारी दिइन्। 

माैसम पूर्वानुमान महाशाखाले बिहीरबार बिहान ६ बजे आगामी २४ घण्टाका लागि चेतावनी तथा परामर्श जारी गर्दै भनेकाे छ: 

देशको पहाडी साथै पश्चिमी भू-भागका केही स्थानहरूमा  मेघगर्जन/चट्याङ/असिना र हावाहुरी सहित वर्षाको सम्भावना रहेकाले आवश्यक सतर्कता अपनाउन हुन अनुरोध छ।