कोरोनाबाट आइतबार भारतमा ५६ जनाको मृत्यु

भारतमा कोरोना संक्रमणबाट ज्यान गुमाउनेको संख्या ८ सय ८१ पुगेको छ। आइतबार भारतमा यसको संक्रमणबाट ५६ जनाले ज्यान गुमाएका छन्।

हिजो एकै दिन त्यहाँ १६ सय ७ जना नयाँ संक्रमित थपिएका वर्ल्डओमिटरले जनाएको छ।

अहिलेसम्म भारतमा कोरोना संक्रमितको संख्या २७ हजार ८ सय ९० पुगेको छ। संक्रमितमध्ये ६ हजार ५ सय २३ जना उपचारपछि निको भएका छन्

भारतमा सबैभन्दा बढी महाराष्ट्रमा कोरोना संक्रमण फैलिएको छ। त्यसपछि राजधानी नयाँ दिल्ली कोरोना संक्रमणबाट प्रभावित छ।

कोरोना संक्रमण नियन्त्रण गर्न भारतमा एक महिनादेखि लकडाउन छ। गत मार्च २५ देखि सुरु भएको लकडाउन मे ३ सम्म जारी रहने घोषणा सरकारले गरेको छ।