युनिकोड
ललितपुर महानगरपालिकाका पूर्वप्रमुख बुद्धिराज बज्राचार्यको निधनको शोकमा आज ललितपुर महानगर मातहतका सम्पूर्ण कार्यालयमा शोक बिदा दिइएको छ।
महानगरकी प्रमुख प्रशासकीय अधिकृत रेखा दास श्रेष्ठले आइतबार विज्ञप्ति जारी गर्दै आज महानगरपालिका र अन्तर्गतका कार्यालयहरुमा अत्यावश्यकबाहेकमा शोक बिदा दिइएको जानाकारी दिइएकी हुन्।
ललितपुर महानगरपालिकापालिकाका पूर्वप्रमुख बज्राचार्यको ८९ वर्षको उमेरमा गएराति निधन भएको हो।
२०६१ मा राजा ज्ञानेन्द्रको प्रत्यक्ष शासनकालमा संस्कृति, पर्यटन तथा नागरिक उड्ययनमन्त्रीसमेत नियुक्त भएका बज्राचार्य त्यसअघि ०६० मा ललितपुरको नगरप्रमुख भएका थिए।
०२७ मा तत्कालीन ललितपुर पञ्चायत १७ को वडाध्यक्ष, २०३२ सालमा पहिलो पटक ललितपुरको प्रधानपञ्च भई उनले काम गरेका थिए। ०४६ मा प्रजातन्त्र आएपछि उनी एमालेबाट ०५४ मा ललितपुरको नगरप्रमुख भएका थिए।
बज्राचार्यले २०३६ देखि २०३७ सालसम्मको ललितपुर उद्योग वाणिज्य सङ्घको उपाध्यक्ष, २०३८ सालमा सङ्घको कार्यवाहक अध्यक्ष र २०३९ देखि २०४० सालसम्म संघको अध्यक्षको जिम्मेवारीमा रहेर काम गरेका थिए।
प्रतिक्रिया