युनिकोड
कोरोना भाइरस (कोभिड-१९) को संक्रमण रोकथाम तथा नियन्त्रणका लागि सरकारले गरेको देशव्यापी लकडाउन (बन्दाबन्दी) उल्लंघन गर्दै काठमाडौं उपत्यकाका विभिन्न सडकमा चलाइएका झन्डै २०० सवारीसाधनलाई शनिबार बिहान प्रहरीले नियन्त्रणमा लिएको छ।
महानगरीय ट्राफिक प्रहरी कार्यालयले दिएको जानकारीअनुसार शनिबार बिहान १० बजेसम्ममा त्यसरी चलाइएका १९७ सवारीसाधन नियन्त्रणमा लिइएको हो।
काठमाडौं उपत्यकाअन्तर्गत विभिन्न स्थानबाट ती सवारीसाधन नियन्त्रणमा लिइएको ट्राफिक प्रहरीले जानकारी दिएको छ।
सरकारले वैशााख ३ गतेसम्मका लागि लकडाउन घोषणा गरेको छ र यस अवधिमा देशभरका नागरिकलाई अत्यावश्यक काम नपरी घरबाट बाहिर ननिस्कन अनुरोध गरेको छ। अटेर गर्नेलाई प्रहरीले कारबाही गर्ने गरेको छ।
प्रतिक्रिया