युनिकोड
बाजुराको हिमाली गाउँपालिका-५ क्युडीस्थित कुवाडी-क्युडी सडकमा जिप दुर्घटना भएको छ।
सोमबार दिउँसो सु.प्र.प्र. ०१-००१ ज १८७८ नम्बरको जिप सडकको मोडबाट करिब १० मिटर तल खस्दा दुर्घटना भएको जिल्ला प्रहरी कार्यालय, बाजुराले जनाएको छ। दुर्घटनामा जिप चालक हिमाली गाउँपालिका-२, नातीखोला निवासी २५ वर्षीय जनवीर बुढासहित नौ जना घाइते भएका छन्।
घाइते हुनेहरूमा हिमाली गाउँपालिका-का ४० वर्षीय धर्मलाल बुढा, ३१ वर्षीया मिजरा बुढा, हुम्लाको ताजाकोट गाउँपालिका-५ का ४० वर्षीय अम्मरसिंह बुढा, २० वर्षीया अस्मिता थापा, २८ वर्षीय जंगसिंह बुढा, २० वर्षीय गोरख रोकाया, २७ वर्षीय लोकेन्द्र बुढा र नौ वर्षीया सुस्मा बुढा रहेका छन्।
प्रहरीका अनुसार, घाइतेमध्ये चार जनाको अवस्था मध्यम र पाँच जनाको अवस्था सामान्य रहेको छ। सबै घाइतेलाई उपचारका लागि अस्पताल पठाउने पहल भइरहेको प्रहरीले जनाएको छ। छ।
प्रतिक्रिया