युनिकोड
बर्दियामा मोटरसाइकल दुर्घटना हुँदा दुई जनाको मृत्यु भएको छ।
शनिबार राति साढे ११ बजे मधुवन नगरपालिका ८ लालसिंह चोकस्थित हुलाकी सडक खण्डमा दुईवटा मोटरसाइकल आपसमा ठोकिएका हुन्।
प्रहरीका अनुसार गुलरिया नगरपालिका २ का देवानन्द यादवले चलाएको भे १३ प २६६९ नम्बर र मधुवन नगरपालिका ८ लालीबजारका टंकबहादुर बीसीले चलाएको भे ६ प ५४१ नम्बरका मोटरसाइकल ठोकिँदा दुवै चालकको मृत्यु भएको हो।
दुर्घटनामा गम्भीर घाइते भएका चालक टंकबहादुर र पछाडि बसेका गुलरिया २ का ३२ वर्षका अनुपम यादव तथा अर्का मोटरसाइकलका चालक देवानन्द यादव घाइते भएका थिए।
उपचारका लागि बर्दिया अस्पताल गुलरिया पठाइएकामा राति साढे १२ बजे चालकद्वय टंकबहादुर र देवानन्दको मृत्यु भएको हो।
अनुपम यादवलाई भने थप उपचारका लागि नर्सिङहोम नेपालगन्ज पठाइएको प्रहरीले जानकारी दिएको छ।
दुई जनाको शव बर्दिया अस्पतालमा राखिएको बर्दियाका प्रहरी प्रवक्ता डीएसपी चक्रबहादुर डम्बरपालले बताए।
प्रतिक्रिया