बबरमहलमा ट्याक्सीले स्कुटरलाई ठक्कर दिँदा एक जनाको मृत्यु

काठमाडौंको बबरमहलमा आज (शनिबार) बिहान ट्याक्सीले स्कुटरलाई ठक्कर दिँदा एक जनाको ज्यान गएको छ।

प्रहरीका अनुसार दुर्घटनामा ओखलढुंगाको सुनकोशी गाउँपालिका-८, का दीपक थापाको घटनास्थलमै मृत्यु भएको हो।

बिहान २ बजेतिर बा २ ज ११८८ नम्बरको ट्याक्सीले बा ८३ प ४०३५ नम्बरको स्कुटरलाई ठक्कर दिँदा स्कुटरको पछाडि बसेका थापाको ज्यान गएको हो।

दुर्घटनामा घाइते भएका स्कुटरका चालक काभ्रेको पनौती-१०, का २२ वर्षीय रोहितसिंह ठकुरीको अहिले अन्नपूर्ण न्यूरो अस्पतालमा उपचार भैरहेको प्रहरीले जनाएको छ।