युनिकोड
वैदेशिक रोजगारीको लागि विभिन्न देशहरुमा पठाइदिन्छु भनी ठगी गर्ने व्यक्तिहरू पक्राउ परेका छन्।
काठमाडौँ उपत्यका अपराध अनुसन्धान कार्यालयले संखुवासभाको मकालु गाउँपालिका– २घर भइ हाल बूढानीलकण्ठ नगरपालिका–८ बस्ने २१ वर्षीय सालिकराम बानिया र मकवानपुरको ईन्द्र सरोवर गाउँपालिका ३ घर भएका ३१ वर्षीया एलिना पुरीलाई पक्राउ गरेको हो।
विभिन्न देशहरुमा लैजाने भन्दै लामो समयसम्म झुक्यानमा राखि विदेश नपठाई सम्पर्कविहीन भएकोमा पीडितहरुले दिएको जाहेरी दरखास्तका आधारमा उनीहरूलाई पक्राउ गरिएको प्रहरीले जनाएको छ।
थप अनुसन्धान तथा कारबाहीको लागि वैदेशिक रोजगार विभाग ताहाचल पठाइएको काठमाडौँ उपत्यका अपराध अनुसन्धान कार्यालयको भनाई छ।
प्रहरीका अनुसार सालिकरामले एकजना पीडितबाट ५ लाख रुपैयाँ र एलिनाले क्यानडा पठाउने भन्दै १ जनाबाट १ लाख ५० हजार रुपैयाँ लिएका थिए।
प्रतिक्रिया