युनिकोड
नेपालमा आज (फागुन २४ गते) एकैदिन भूकम्पका ३ धक्का गएका छन्।
राष्ट्रिय भूकम्प मापन तथा अनुसन्धान केन्द्रका अनुसार आज बिहान ३:१४ बजे म्याग्दीमा ४ म्याग्निच्युड र यसको ३ घण्टापछि बिहान ६:२० बजे बागलुङमा ४.१ म्याग्निच्युडको भूकम्प गएका हुन्।
यसपछि आजै दिउँसो २:३५ बजे तिब्बत केन्द्रबिन्दु भएर ५.९ म्याग्निच्युडको भूकम्प जाँदा काठमाडौँसम्म धक्का महसुस भएको हो। साथै पूर्वी जिल्लामा पनि धक्का महसुस भएको बताइएको छ।
‘आज एकैदिन नेपालमा भूकम्पका ३ धक्का गएका छन्’, भूकम्प मापन केन्द्रका वरिष्ठ भूकम्पविद् डा. लोकविजय अधिकारीले नेपालखबरसँग भने, ‘बिहान म्याग्दी र बागलुङमा दिउँसो तिब्बतको भूकम्पले काठमाडौँसम्म धक्का।’
यसैबीच आजको समेत गर्दा काठमाडौँ उपत्यकामा १० दिनभित्र भूकम्पका २ धक्का गएका छन्।
यसअघि फागुन १५ गते राति सिन्धुपाल्चोक केन्द्रबिन्दु भएर ६.१ म्याग्निच्युडको भूकम्प जाँदा पनि काठमाडौँ नराम्ररी हल्लिएको थियो।
प्रतिक्रिया