भारतसँग सीमा जोडिएको मोरङको विराटनगर महानगरपालिकाले आफ्नो क्षेत्रमा मंगलबारदेखि अनिश्चितकालीन ‘लक डाउन’ गर्ने भएको छ। कोरोना भाइरस महामारी नफैलियोस् भनेर ‘लक डाउन’ गर्न लागिएको महानगरपालिकाले जनाएको छ।
‘भोलि बिहानबाट लक डाउन शुरु हुन्छ,’ महानगरपालिकाका सामान्य प्रशासन महाशाखा प्रमुख अर्जुन थपलियाले नेपालखरबसँग भने, ‘अवस्था सामान्य नहुन्जेलसम्म लक डाउन रहन्छ।’
थपलियाले अत्यावश्यक बाहेक अन्य क्षेत्रका मानिसलाई घरमै बस्न महानगरपालिकाले आग्रह गरेको बताए।
पछिल्लो समय कोरोना संक्रमणलाई फैलिन नदिन सरकारले दक्षिणतर्फको सीमामा कडाइँ गर्दै गएको छ।
यसअघि संघीय सरकारले नेपाल–भारत सीमा नाका बन्द गर्ने निर्णय गरेको थियो। विराटनगर भारतसँगको जोगबनी नाका जोडिएको सहर हो।
प्रतिक्रिया