विद्युत् चोरी गर्ने १७ जना पक्राउ

पर्साका विभिन्न स्थानमा विद्युत चोरी गर्ने १७ जना पक्राउ परेका छन्।

जिल्ला प्रहरी कार्यालय पर्सा र विद्युत प्राधिकरण पोखरियाको संयुक्त टोलीले जिल्लाका विभिन्न स्थानहरुबाट हुक लगाई विद्युत चोरी गर्नेलाई पक्राउ गरेको हो।

पक्राउ पर्नेमा सखुवाप्रसौनी गाउँपालिका २ का सुरूज महरा, जुमन मिया, जोखु माझी, अरुण महता, पप्पुप्रसाद पटेल, खलिल मिया, हरी माझी, बली माझी, पर्सागढी नगरपालिका ७ का शिवचन्द्र दास, सुरेन्द्र सहनी, पटेर्वासुगौली गाउँपालिका ४ का मुनिलाल दास, बिन्दवासिनि गाउँपालिका ६ का जयकरण सिंह रहेका छन्।

यस्तै पटेर्वासुगौली गाउँपालिका ५ का कृष्ण माली भगत, रूपेश मुखिया, मुकेश मुखिया, सखुवाप्रसौनी गाउँपालिका २ का अलखप्रसाद यादव, ईस महमद मियाँ रहेका छन्।