युनिकोड
झापामा तीव्र गतिको मोटरसाइकल सडक छेउको रुखमा ठोकिँदा एक युवकको मृत्यु भएको छ। दुर्घटनामा अर्का एक जना गम्भीर घाइते भएका छन्।
बिर्तामोड–शनिश्चरे रोडमा पर्ने डाँस पुल नजिक शुक्रबार साँझ बा.४९ प २१५९ नम्बरको मोटरसाइकल आफैँ अनियन्त्रित भइ दुर्घटना हुँदा ती युवकको मृत्यु भएको जिल्ला प्रहरी कार्यालय झापाले जनाएको छ।
मृत्यु हुनेमा ताप्लेजुङ श्रीजङ्घा गाउँपालिका- ६ का २६ वर्षीय सन्तोष लिम्बू रहेका छन्।
दुर्घटनामा गम्भीर घाइते भएका लिम्बुलाई उपचारका लागि बिएण्डसी अस्पताल पुर्याउन साथ चिकित्सकले मृत घोषणा गरेका थिए।
मोटरसाइकलको पछाडी सवार सोही ठाउँमा श्रीप्रसाद लिम्बु दुर्घटनामा गम्भीर घाइते भएका छन्। उनको बिएण्डसी अस्पताल बिर्तामोडमा उपचार भइरहेको प्रहरीले जनाएको छ।
प्रतिक्रिया