कोटेश्वरबाट लगेर एक महिलालाई बन्धक बनाएको सूचनापछि प्रहरी परिचालन

काठमाडौंको कोटेश्वरबाट लगेर एक महिलालाई बन्धक बनाएको भन्दै प्रहरीले खोजतलास गरिरहेको छ।

पीडित महिलाका आफन्तले आफ्नो मान्छेलाई अपहरण गरेर एउटा समूहले ललितपुरतिर लगेर बन्धक बनाएको प्रहरीलाई जानकारी गराएका छन्।

उक्त जानकारी आएपछि खोजतलास गरिरहेको काठमाडौं उपत्यका अपराध अनुसन्धान कार्यालयका प्रमुख एसएसपी सानुराम भट्टराईले बताए।

‘महिलाका आफन्तले अपहरण गरेर फिरौती माग गरिरहेको भनेका छन्। तर हामी अनुसन्धान गरिरहेका छौं। त्यो विषय लेनदेनको हुनसक्छ। आफ्नो पैसा उठाउनका लागि बल प्रयोग गरेको र पैसा तिरेर जा भनेको पनि हुनसक्छ’, भट्टराईले नेपालखबरसँग भने।

प्रहरीले अपहरणमा परेकी भनिएकी महिलाको परिचय खुलाएको छैन।