युनिकोड
गएको असोज ३० गते काठमाडौं मलबाट गरगहना चोरी गरेको आरोपमा ६ जनाको समूहलाई प्रहरीले पक्राउ गरेको छ।
अर्घाखाँची घर भई हाल कीर्तिपुर हलचोक बस्ने सीता पौडेलको काठमाडौं मलबाट सुनका गरगहना लगायतको धनमाल चोरी भएको थियो।
सो घटनाको अनुसन्धानका क्रममा उक्त घटनामा संलग्न व्यक्तिहरूलाई काठमाडौं उपत्यका अपराध अनुसन्धान कार्यालयको टोलीले असोज ३ गते काठमाडौं उपत्यकाका विभिन्न स्थानबाट पक्राउ गरेको हो।
उनीहरूमाथि थप अनुसन्धान तथा कारबाहीका लागि जिल्ला प्रहरी परिसर काठमाडौँ पठाइएको छ।
पक्राउ पर्नेहरूमा मोरङको बेलबारी नगरपालिका–६ घर भइ हाल काठमाडौंको बलम्बु बस्ने वर्ष २९ को गोविन्द परियार, डोटीको दिपायल सिलगडी नगरपालिका ६ घर भई हाल सितापाइला बस्ने वर्ष ३० को सुरेश नेपाली, धादिङ निलकण्ठ नगरपालिका–५ घर भई हाल सितापाइला बस्ने वर्ष २६ को निशान ढुङ्गाना, सोही स्थानकी वर्ष ४१ की गीता ढुङ्गाना, वर्ष ४३ को श्याम बहादुर सुनार र मकवानपुरको हेटौँडा उपमहानगरपालिका–१९ घर भई हाल ढुङ्गेअड्डा बस्ने २५ वर्षीय ओखरे भन्ने सुरज श्रेष्ठ रहेका छन्।
उनीहरुबाट प्रहरीले स्वरुप परिवर्तन भएको अवस्थामा रहेको सुन ३९.४४ ग्राम, चोरी भएको सामसुङ कम्पनीको मोबाइल तथा निजहरूले प्रयोग गर्ने मोबाइल थान–६र नगद १ लाख २० हजार रुपैयाँ बरामद गरेको जनाएको छ।
प्रतिक्रिया