बंगुरको मासु खाँदा एकै गाउँका १६ जना बिरामी

बंगुरको मासु खाँदा नवलपरासी (पूर्व) मा १६ जना बिरामी भएका छन्। प्रहरीका अनुसार कावासोती नगरपालिका-१४, हेगौलीका स्थानीयवासीहरू बिरामी परेका हुन्। 

हेगौलीका १०५ घरधुरीका मानिसहरूले बंगुर काटेर भोज खाएका थिए। तीमध्ये १६ जनालाई ज्वरो आउने, वान्ता हुने र पखाला लाग्ने समस्या देखिएको प्रहरीको भनाइ छ। 

प्रहरीका अनुसार उनीहरूको मध्यविन्दु प्रादेशिक अस्पताल डण्डामा उपचार भइरहेको छ।