एमालेको विजय सभाबाट फर्केको गाडी दुर्घटना हुँदा १९ जना घाइते

इलाममा पिकअप भ्यान दुर्घटना हुँदा १९ जना घाइते भएका छन्। घाइतेमध्ये तीनजनाको अवस्था गम्भीर रहेको प्रहरीले जनाएको छ।

जिल्ला प्रहरी कार्यालय इलामका अनुसार मंगलबार इलाम बजारमा नेकपा एमालेको विजय सभामा सहभागी भएर फर्किंदै गरेको को २ च ४४७ नम्बरको पिकअप गाडी इलाम नगरपालिका ५, बिब्ल्याँँटे बजार नजिक दुर्घटनामा परेको हो।

दुर्घटनाका गम्भीर घाइते तीन जनालाई उपचारका लागि झापा अस्पताल रेफर गरिएको छ भने सामान्य घाइतेको इलाम अस्पतालमा उपचार भइरहेको प्रहरीले जनाएको छ।

प्रहरीका अनुसार घाइतेको नामावली
१) जिल्ला इलाम इलाम न.पा ५ बस्ने वर्ष ३६ की तुलसा ढकाल, बाहिरी चोट नदेखिएको शरीरको भित्री भागमा दुखेको, अवस्था सामान्य
२) ऐ.ऐ. बस्ने वर्ष ६२ को रामचन्द्र खनाल निधारमा चोट, अवस्था सामान्य
३) ऐ.ऐ. बस्ने ४२ की राधिका खनाल शरीरको विभिन्न अंगमा चोट, अवस्था सामान्य