कोरोनाभाइरसबाट संक्रमित ९ हजार ४६७ स्वस्थ भएर घर फर्के, कहाँ–कति संक्रमित?

यीमध्ये धेरै अस्पतालबाट घर फर्किएको जनाइएको छ। आइतबारसम्मको तथ्यांकअनुसार कोरोनाभाइरसको संक्रमण विश्वभर ६९ हजार २ सय ७० मा देखिएको छ।

चीनमा मात्र कोरोनाबाट संक्रमित ६८ हजार ५ सय छन्। त्यहाँ मृतकको संख्या १६ सय ६५ पुगेको छ।

कोरोना झन्डै विश्वका ३० मूलुकमा फैलिएका छन्। मुख्य क्षेत्र चीनबाहिर ५ जनाको मृत्यु भइसकेको छ। हङकङ, ताइवान, फिलिपिन्स, फ्रान्स र जापानमा एक–एक व्यक्तिको मृत्यु भएको छ।

आइतबार बिहान चीनका विदेशमन्त्री वाङ यीले कोरोनाबाट संक्रमितको संख्या उल्लेखनीय रुपमा घट्दै गएको जानकारी दिएका थिए।

तीन दिनयता कोरोनाबाट संक्रमितको संख्या घट्न थालेको उनले बताएका थिए।

विदेशमन्त्री वाङ यीले कोरोनाको संक्रमण घट्न थालेको बताउँदै अब यस प्रकोप नियन्त्रण गर्न सकिने बताएका थिए।

उनले भनेका थिए,‘कोरोनाको प्रकोप नियन्त्रणको अवस्थामा पुगेको छ। हामीले यसलाई पूर्ण रोकथाम र नियन्त्रण गर्न सक्दो प्रयास गरेका छौं।’

कोरोनाबाट कहाँ–कति संक्रमित?

१. मुख्य क्षेत्र चीनः ६८ हजार ५ सय संक्रमित, १६६५ को मृत्यु

२. जापानः ४०७ संक्रमित, एकको मृत्यु

३. सिंगापुर ७२ संक्रमित

४. हङकङः ५७ संक्रमित, एकको मृत्यु

५. थाइल्याडः ३४ संक्रमित

६. दक्षिण कोरियाः २९ संक्रमित

७. मलेसियाः २२ संक्रमित