युनिकोड
आफ्नै अनुयायीको हत्या, अपहरण तथा बलात्कार गरेको आरोपमा मंगलबार साँझ काठमाडौँमा पक्राउ परेका तपस्वी’ रामबहादुर बम्जनलाई नेपाल प्रहरी केन्द्रीय अनुसन्धान ब्युरो (सीआईबी) ले आज (बुधबार) सार्वजनिक गर्दै छ।
ब्युरोका प्रवक्ता प्रहरी उपरीक्षक (एसपी) नवराज अधिकारीका अनुसार अहिले दिउँसो १ बजे महाराजगन्जस्थित सीआईबीकै कार्यालयमा पत्रकार सम्मेलन गरी बम्जनलाई सार्वजनिक गर्न लागिएको हो।
फरार सूचीमा रहेका बम्जनलाई प्रहरीको टोलीले मंगलबार साँझ बूढानीलकण्ठस्थित उनकै घरबाट पक्राउ गरेको हो।
बूढानीलकण्ठको हात्तीगौँडास्थित बम्जनको घरबाट सीआईबीको टोलीले ३ करोड ३ लाखभन्दा बढी नगद पनि बरामद गरेको छ।
प्रतिक्रिया