युनिकोड
एक सय ८० जना चढेको युक्रेनियन जहाज बुधबार इरानको तेहराननजिकै दुर्घटना भएको छ।
बोइङ ७३७ भएको अनुमान गरिएको विमान तेहरानस्थित इमाम खुमेनी अन्तर्राष्ट्रिय विमानस्थलबाट उड्नासाथ केही बेरअघि दुर्घटना भएको स्थानीय मिडियालाई उद्धृत गर्दै अन्तर्राष्ट्रिय समाचार एजेन्सीहरुले जनाएका छन्।
इरानका सरकारी सञ्चारमाध्यमहरूका अनुसार युक्रेनको राजधानी केइभ जान लागेको थियाे।
विमान दुर्घटना भएकाे विमानस्थलनजिकैका क्षेत्रमा उद्धार टोली परिचालन गरिएको छ।
समाचार एजेन्सी रोयटर्सका अनुसार इरानको आपतकालीन सेवाका प्रमुख पिरहोसेन कोउलीभान्डले सरकारी टेलिभिजनसँग भनेका छन् : विमानमा आगो लागेको छ र हामीले उद्धारकर्मीहरू त्यसतर्फ पठाएका छौँ, हामीले केही यात्रुहरूलाई बचाउन सक्ने पनि हुन सक्छ।
दुर्घटनाको सम्बन्ध अहिलेको इरान-अमेरिका तनावसँग रहे नरहेको खुलेकाे छैन।
घटनाबारे विस्तृत जानकारी आउन बाँकी छ।
प्रतिक्रिया