महोत्तरीको गौशालामा बसले मोटरसाइकललाई ठक्कर दिँदा एकै परिवारका तीनजनाको मृत्यु भएको छ।
बुधबार दिउँसो गौशाला नगरपालिका २ मा बा ३ ख २३९६ नम्बरको बसले मधेश प्रदेश–०१–००४–६८१९ नम्बरको मोटरसाइकललाई ठक्कर दिँदा पति-पत्नीसहित एकैपरिवारका तीनजनाको मृत्यु भएको जिल्ला प्रहरी कार्यालय महोत्तरीले जनाएको छ।
दुर्घटनामा गौशाला नगरपालिका-२ का करिब २७ वर्षीय अमितकुमार मण्डल, उनकी पत्नी करिब २४ वर्षीया अन्जु मण्डल र उनीहरुकी ४ वर्षीया भतिजी अंशु मण्डलको मृत्यु भएको हो। उनीहरु एकै मोटरसाइकलमा सवार थिए।
अमित र अंशुको बर्दिबासस्थित शुभस्वस्तिक अस्पतालमा र अञ्जुको ट्रमा सेन्टर बर्दिबासमामा उपचारको क्रममा मृत्यु भएको प्रहरीले जनाएको छ।
दुर्घटनापछि प्रहरीले बस र त्यसका चालकलाई नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
Shares
प्रतिक्रिया