काठमाडौँसहित कहाँ–कहाँ पानी परिरहेको छ? अझै कति समय वर्षा जारी रहला?

यतिबेला काठमाडौँ उपत्यकासहित देशका पहाडी क्षेत्रका केही स्थानमा मेघगर्जन÷चट्याङसहित वर्षा भइरहेको मौसमविद्ले बताएका छन्। 

मौसम पूर्वानुमान महाशाखाका मौसमविद् राजु प्रधानांगका अनुसार अहिले कोशी, बागमती र गण्डकी प्रदेशका पहाडी क्षेत्रका केही स्थानमा हल्कादेखि मध्यमसम्म वर्षा भइरहेको छ। 

‘काठमाडौँमा करिब एक घण्टादेखि मेघगर्जन/चट्याङसहित हल्का वर्षा भइरहेको छ’, मौसमविद् प्रधानांगले भने, ‘वर्षा अझै २/३ घण्टा जारी रहने देखिन्छ।’