त्रिभुवन विमानस्थलबाट सुन मिश्रित कपडासहित भारतको कलकाता र मुम्बई जान लागेका दुई भारतीय नागरिक पक्राउ परेका छन्।
एयर इन्डियाको उडानद्वारा काठमाडौंबाट कलकत्ता जान लागेका भारतीय नागरिक सिराज कुन्नापिल्ले र इन्डिगो एयरबाट मुम्बई जान लागेका फैसाल कोटाकुन्डिली अबु पक्राउ परेका हुन्।
सिराजले लिइ आएको फुलबुट्टे कपडाहरु थान–५ को अन्दाजी तौल २३८० ग्राम र गलाएपछि आएको सुनको तौल ७४.७५० ग्राम बरामद भएको प्रहरीले जनाएको छ।
यस्तै, फैसालले लिई आएको फुलबुट्टे कपडाहरु थान–५ को अन्दाजी तौल २३८० ग्राम र गलाएपछि आएको सुनको तौल ७३.८९० ग्राम भएको छ।
उनीहरुलाई आवश्यक अनुसन्धान एवं कारबाहीको लागि त्रिभुवन विमानस्थल भन्सार कार्यालय, गौचरमा बुझाइएको प्रहरीले जनाएको छ।
27
Shares
प्रतिक्रिया