कीर्तिपुरमा भेटिएको शंकास्पद वस्तु प्रहरीले खोल्यो

काठमाडौंको कीर्तिपुरमा आज (मंगलबार) बिहानै कपडाले फेला परेको शंकास्पद वस्तु प्रहरीले खोलेर हेरेको छ।

कीर्तिपुरस्थित त्रिभुवन विश्वविद्यालयको पर्खालनेर नयाँबजार गेटमा रातो कपडाले बेरेर राखिएको वस्तु खोलेर हेर्दा मिनलर वाटरको बोतलमा माटो भरिएको पाइएको महानगरीय प्रहरी वृत्त (कीर्तिपुर) का डीएसपी छेदीलाल कामतीले जानकारी दिए।

नेपालखबरसँग उनले भने, ‘कतिखेर राखियो थाहा भएन, हामीले चाहिँ बिहान साढे ४ बजेतिर थाहा पायौं,’ नेपालखबरसँग कुरा गर्दैै उनले भने, ‘रातो कपडाले बेरेको देखेपछि शंका लागेको थियो तर प्रहरी टोली पुगेर खोलेर हेर्दा मिनरल वाटरको बोतलमा माटो भरिएर राखिएको रहेछ।’

आज नेत्रविक्रम चन्द विप्लव समूहले नेपाल बन्द आह्वान गरेकाले तर्साउन राखेको हुनसक्ने प्रहरीको अनुमान छ।