युनिकोड
कीर्तिपुरबाट पक्राउ परेका मिटर ब्याज पीडितहरुले प्रहरी कार्यालयभित्रै नाराबाजी सुरु गरेका छन्।
कीर्तिपुरदेखि माइतीघरसम्म पैदल यात्रामा निस्केका मिटर व्याज पीडितलाई रोक्न प्रहरीले धरपकड गर्दै पक्राउ गरेको थियो।
पक्राउ परेका मिटर ब्याज पीडितहरुलाई कीर्तिपुर प्रहरीले पक्राउ गरेको थियो।
कीर्तिपुरको आयुर्वेद अध्ययन संस्थान आइपुगेको ५०/६० जनाको टोलीलाई प्रहरीले रोक्न लाठी चार्ज गरेको थियो।
पीडितको तर्फबाट संघर्षमा रहेका प्रमोद धितालका अनुसार अहिले पीडितहरुले प्रहरीको कार्यालयभित्रै नाराबाजी गरिरहेका छन्।
‘माइतीघर हिँडेका आन्दोलनकर्मी साथीहरुलाई प्रहरीले बाटोमै धरपकड गरेर पक्रेर ल्याएपछि अहिले हामी कीर्तिपुर प्रहरी वृत्तमै नाराबाजी गरिरहेका छौँ’, धितालले नेपालखबरसँग भने।
आफ्नो माग सुनुवाइमा सरकारले चासो नदिएको, सुनुवाई नगरेको र पीडितलाई न्याय दिलाउन कुनै कदम नचालेको पीडित किसानको गुनासो छ।
एक महिनादेखि मिटर ब्याज पीडित किसानहरू माइतीघरमा धर्नामा छन्।
प्रतिक्रिया