युनिकोड
नेपाल निजामती कर्मचारी संगठन खानेपानी मन्त्रालय विभागीय कार्यसमितिले प्रकाशन गरेको ‘शासन र सेवा प्रवाह’ पुस्तक विमोचन भएको छ।
खानेपानी विभागमा आयोजित निजामती सेवा दिवसको अवसर पारेर आयोजित कार्यक्रममा मन्त्रालयका सचिव मणिराम गेलाल र संगठन केन्द्रीय अध्यक्ष लेखनाथ कोइरालाले पुस्तक विमोचन गरे।
सार्वजनिक प्रशासनसँग सम्बन्धित विषयहरु र समसामयिक शासकीय मामिलाहरुमा नेपाल सरकारका सचिव सहसचिव लगायतका विषय विज्ञहरुको ३७ वटा लेख पुस्तकमा समावेश गरिएको कुरा पुस्तकको सम्पादक केदार खतिवडाले बताए।
सार्वजनिक प्रशासनका परीक्षाको तयारीमा रहेका र प्रशासनको विषयमा जानकारी राख्न खोज्ने जो सुकैलाई पुस्तक उपयोगी हुने सम्पादक खतिवडाले जानकारी दिए।
पुस्तक भोलिदेखि बजारमा उपलब्ध हुनेछ।
प्रतिक्रिया