युनिकोड
नेपाली कांग्रेसका सभापति गगनकुमार थापाले कांग्रेस र एमालेबाहेक सुदूरपश्चिम प्रदेशमा अन्य समीकरणमा सरकार नबन्ने बताएका छन्।
शनिबार कैलालीको धनगढीमा आयोजित कांग्रेसको सुदूरपश्चिम प्रदेशस्तरीय भेलालाई सम्बोधन गर्दै उनले प्रदेशमा कांग्रेस र एमालेबाहेक अन्य समीकरण बन्ने सम्भावना नरहेको दाबी गरे।
प्रदेश सरकारको विषयमा अनावश्यक भ्रममा नपर्न आग्रह गर्दै सभापति थापाले नेतृत्व परिवर्तन वा सरकार सञ्चालनसम्बन्धी विषय दुई दलबीचकै छलफलको विषय भएको बताए।
‘अहिले कांग्रेस–एमालेको संयुक्त सरकार छ। त्यसभित्र नेतृत्व आउने जाने, सरकार सञ्चालनसम्बन्धी समझदारी कांग्रेस र एमालेबीचकै छलफलका विषय हुन्,’ उनले भने, ‘यसबाहेक अर्को सरकार बन्छ भन्ने अलमलमा रहन आवश्यक छैन।’
सभापति थापाले मधेश प्रदेशमा हाल कायम सत्ता समीकरणले नै निरन्तरता पाउने पनि दाबी गरे।
कांग्रेस सभापति थापालाई सुदूरपश्चिमका मुख्यमन्त्रीको प्रश्न: चुनावमा देउवालाई टिकटबाट किन वञ्चित गरियो?
जनमतले समर्थन फिर्ता लिएसँगै मधेसमा नयाँ मुख्यमन्त्रीका लागि दौडधुप सुरु
प्रतिक्रिया