युनिकोड
बजेट दुरुपयोग गरेको आरोप लगाउंदै धनुषाको मिथिला नगरपालिका–५ श्रीपुरस्थित वडा कार्यालयमा स्थानीयले आइतबार तालाबन्दी गरेका छन्। स्थानीयवासीले जनप्रतिनिधि र कर्मचारीले वडाको बजेट दुरुपयोग गरी आ—आफ्ना श्रीमती तथा आफन्तलाई धार्मिक तथा पर्यटकीय भ्रमणमा लगेको आरोप लगाएका छन्।
तालाबन्दी गर्नेहरूले भ्रमण सम्बन्धी सम्पूर्ण विवरण सार्वजनिक गर्न, खर्चको पारदर्शिता कायम गर्न र यी सबै प्रक्रियाको निष्पक्ष छानबिन गर्न माग गरेका छन्। तालाबन्दीका कारण वडा कार्यालयबाट प्रदान हुने सम्पूर्ण सेवा ठप्प भएको छ ।
वडा कार्यालयले चैत १० गते एक सूचना जारी गर्दै जनप्रतिनिधि र कर्मचारी धार्मिक तथा पर्यटकीय भ्रमणमा जाने भएकोले पाँच दिनका लागि सेवा बन्द रहने जानकारी गराएको थियो। भ्रमणमा रहेका वडाध्यक्ष रामचन्द्र मण्डलले सबै राजनीतिक दलको सहमतिमा पूर्वनिर्धारित कार्यक्रम अनुसार भ्रमणमा आएको दाबी गरेका छ्न ।
प्रतिक्रिया