युनिकोड
नेपाली कांग्रेस सर्लाहीका सहसचिव इन्द्रबहादुर योञ्जनले पार्टी परित्याग गरेका छन्।
बिहीबार विज्ञप्ति जारी गर्दै योञ्जनले कांग्रेस छाडेको घोषणा गरेका हुन्।
केही वर्षअघि मात्रै योञ्जन तत्कालीन माओवादी केन्द्र परित्याग गरि कांग्रेसमा प्रवेश गरेका थिए।
लालबन्दी नगरपालिका ७ निवासी योञ्जनले पार्टीको साधारण सदस्यसमेत नरहने गरी पार्टी परित्याग गरेको जानकारी दिए।
‘अब पुराना पार्टीबाट हुँदैन भनेर मैले कांग्रेस त्यागेको हुँ,’ योन्जनले नेपालखबरसँग भने, ‘कांग्रेस परित्याग गरे पनि तत्काल म कुनै पनि पार्टीमा जाँदिन।’
योञ्जन तत्कालिन माओवादी केन्द्रबाट सर्लाही १ मा प्रतिनिधिसभा सदस्य र लालबन्दी नगरपालिकामा मेयरको उम्मेदवार पनि बनेका थिए।
प्रतिक्रिया