युनिकोड
मोरङको ग्रामथान गाउँपालिकाको अध्यक्षमा माओवादीले अग्रता बढाउँदै लगेको छ। निर्वाचन आयोगले दिएको पछिल्लो जानकारी अनुसार ग्रामथानका माओवादी उम्मेदवार नमो नारायण माझीले झण्डै ७ सय मतको अग्रता बनाइसकेका छन्।
उनले २ हजार ४१२ मत पाउँदा कांग्रेसका बलराम सरदार थारुले १ हजार ७४० मत पाएका छन्।
एमालेका तुलसीराम विश्वासको ९९३ मत छ। यसअघि नेपाली कांग्रेसले जितेको यो गाउँपालिकामा उपाध्यक्ष र ५ वडाध्यक्षमा एमालेबाट विजयी भएका थिए।
माओवादीले एक मात्रै वडाध्यक्ष जितेको थियो। तर अहिले माओवादी उम्मेदवारले सुरुदेखि नै अग्रता बनाइरहेका हुन्।
प्रतिक्रिया