ad ad

राजनीति


धनुषा २ मा फेरि मतगणना गर्न एमाले उम्मेदवार अरगरियाको माग

धनुषा २ मा फेरि मतगणना गर्न एमाले उम्मेदवार अरगरियाको माग

नेपालखबर
मंसिर ९, २०७९ शुक्रबार १८:३९, काठमाडौँ

धनुषा निर्वाचन क्षेत्र नम्बर २ बाट नेकपा एमालेका उम्मेदवार उमाशंकर अरगरियाले मतगणनामा धाँधली भएको आरोप लगाएका छन्।

अरगरियाले मतगणनामा धाँधली भएको आरोप लगाउँदै पुनः मतगणनाको माग गरेका हुन्। 

निर्वाचन अधिकृत र स्थानीय प्रहरी–प्रशासनको सहयोगमा नेपाली काँग्रेसले मतगणनामा धाँधली गरेको अरगरियाले बताए। 

शुक्रवार जनकपुरधाममा पत्रकार सम्मेलन गरेर निर्वाचन निर्देशिकाविपरीत अर्को बक्सामा गएको ४ सय मतलाई बदर गरेर आफूमाथि अन्याय भएको बताए।

निर्वाचन अधिकृतले सरकारकै निर्देशनमा आफूलाई हराउने षड्यन्त्र गरेको दावी अरगरीयाले गरेका छन्।

अर्को बक्सामा परेका मतलाई गणना नगरेको खण्डमा न्यायका लागि आफू अदालत पनि जाने उनको भनाइ छ।

उनले आफूहरुले राति गणनामा प्रश्न उठाए पनि प्रहरी प्रशासनको आड्मा थेरै समयमा १० वटा बक्साको मत गनेर नतिजा सार्वजनिक गर्ने काम गरेको बताए।

धनुषा क्षेत्र नम्बर २ मा अरगरियालाई कांग्रेस उम्मेदवार रामकृष्ण यादवले १ सय ५७ मतान्तरले पराजित गरेका थिए। 

नवनिर्वाचित प्रतिनिधिसभा सदस्य यादवले २० हजार १ सय १२ मत प्राप्त गरे भने अरगरियाले १९ हजार ९ सय ५५ मत ल्याए।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .