युनिकोड
प्रधानमन्त्री तथा नेकपा एमालेका अध्यक्ष केपी शर्मा ओलीले नेकपा एमालेको केन्द्रीय कमिटी र स्थायी कमिटी भने २०७७ फागुन २४ गतेको अवस्थालाई सक्रिय बनाउने भएका छन्।
उनले आज आइतबार पार्टी एकताका लागि भन्दै ६ बुँदे प्रस्ताव प्रस्तुत गरे पनि स्थायी समिति र केन्द्रीय समितिमा भने पूर्वमाओवादी नेताहरुसहितको हुनुपर्ने उनको भनाइ छ।
अदालतको फैसलापछि एमाले र माओवादी पार्टी छुटिँदा एमालेमै रहेका रामबहादुर थापा, लेखराज भट्ट, टोपबहादुर रायमाझी, मणि थापा, प्रभु साह लागयतका नेताहरु अहिले एमालेको स्थायी, केन्द्रीय समितिहरुमा रहेका छन्।
ओलीले पार्टीलाई २०७५ जेठ ३ गतेको अवस्थाबाट क्रियाशील बनाउन तयार रहेको बताएपनि पूर्वमाओवादी नेतासहित त्यसो गर्न चाहेको प्रस्तावमा उल्लेख छ।
पहिलो नम्बरमा नेपाल पक्षले उठाउँदै आएको जस्तो जेठ २ नभै सर्वोच्च अदालतको २०७५ फागुन २३ गतेको फैसलापछिको समिति क्रियाशील बनाउने उनको प्रस्तावमा उल्लेख छ।
‘नेकपा एमालेलाई २०७५ जेठ ३ गते पूर्ववत अवस्थामा अगाडी बढाइने छ। नेपाल कम्युनिष्ट पार्टी (नेकपा)को केन्द्रीय कमिटीका सदस्यहरुमध्ये एकताको पक्षमा उभिनु भएका कमरेडहरुलाई आधार मानेर केन्द्रीय कमिटी र स्थायी कमिटीको संरचना गतिशील हुने छ,’ प्रस्तावको पहिलो नम्बरमा भनिएको छ।
यो पनिः एमाले २०७५ जेठ ३ मा फर्कने ओलीको घोषणा, पार्टी एकताका लागि ६ बुँदे प्रस्ताव
यो भनेको सर्वोच्च अदालतले गत फागुन २३ मा नेकपा एमाले र नेकपा माओवादी केन्द्रको एकतालाई भंग गरेपछि निर्माण भएको नेकपा एमालेको अवस्थामा हो।
जसमा रामबहादुर थापा बादल, टोपबहादुर रायमाझी, लेखराज भट्ट, मणि थापा, प्रभु साह, गैरीशंकर चौधरीहरुसहित माओवादी केन्द्र छाडेर ओलीतर्फ रहेका नेताहरुसहितको केन्द्रीय कमिटी हो।
प्रतिक्रिया