युनिकोड
प्रधानमन्त्री केपी शर्मा ओलीको पीसीआर परीक्षणको रिपोर्ट नेगेटिभ आएको छ।
हिजो संकलन गरिएको स्वाब परीक्षण गर्दा प्रधानमन्त्रीमा कोरोना नरहेको पुष्टि भएको हो।
उनका प्रमुख स्वकीय सचिव इन्द्र भण्डारी र प्रेस सल्लाहकार सूर्य थापालाई भने दोस्रोपटक कोरोना संक्रमण भएको छ।
प्रधानमन्त्रीसँगै १५१ जनाको स्वाब परीक्षण गर्दा प्रधानमन्त्रीको सचिवालयका ३ जनामा संक्रमण पुष्टि भएको हो।
प्रमुख स्वकीय सचिव भण्डारी र प्रेस सल्लाहकार थापासहित सचिवालयका अर्का एक सदस्यमा कोरोना पुष्टि भएको प्रधानमन्त्रीको सचिवालयले जनाएको छ।
प्रमुख स्वकीय सचिव भण्डारी र प्रेस सल्लाहकार थापालाई अघिल्लो महामारीका बेला पनि कोरोना संक्रमण पुष्टि भएको थियो।
प्रतिक्रिया