डा. भट्टराईको स्वास्थ्य परीक्षण जारी, बायोप्सीको रिपोर्ट आउन ४ दिन लाग्ने

उपचारका लागि भारत गएका पूर्वप्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराईको स्वास्थ्य परीक्षण जारी छ।

 जसपाका केन्द्रीय सदस्य विश्वदीप पाण्डेले डा. भट्टराईको बायोप्सीको रिपोर्ट आउन अझै ४ दिन लाग्ने बताए

भट्टराईका प्रेस सल्लाहकारसमेत रहेका पाण्डेका अनुसार हिजो (मंगलबार)को परीक्षणपछि थप पीईटी स्क्यान र अरु केही परीक्षण गर्न चिकित्सकले भनेका थिए। पीईटी स्क्यान बायोप्सी र अन्य परीक्षणको रिपोर्ट आएपछि उनको रोगको निर्क्यौल हुनुका साथै निदानको बारेमा अन्तिम टुंगो लाग्ने उनले बताए।

भट्टराई स्वास्थ्य उपचारको सिलसिलामा आइतबार भारत भएका डा. भट्टराई मंगलबार बिहान ९ बजे नयाँदिल्लीस्थित ‘इन्स्टिच्युट अफ लिभर एन्ड बिलिअरी साइन्सेस’ मा भर्ना भएका हुन्।