नेपालका लागि चिनियाँ राजदूत होउ यान्छीले नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डसँग भेटवार्ता गरेकी छन्।
अध्यक्ष प्रचण्डलाई भेट्नका लागि राजदूत यान्छी बिहीबार बिहान साढे ९ बजे प्रचण्डनिवास खुमलटार पुगेकी थिइन्।
उनीहरुबीच झण्डै आधा घण्टा कुराकानी भएको खुमलटार स्रोतले भन्यो।
‘अध्यक्ष प्रचण्डलाई भेट्न राजदूत यान्छी बिहान साढे ९ बजे खुमलटार आउनुभएको थियो, उहाँहरुबीच झण्डै आधा घण्टा कुराकानी भयो’, स्रोतले नेपालखबरसँग भन्यो।
प्रतिनिधिसभाको विघटन र नेकपा आएको फुटपछि राजदूत यान्छीले पहिलोपटक प्रचडसँग भेट गरेकी हुन्। यसअघि उनले राष्ट्रपति विद्यादेवी भण्डारीसँग पनि भेट गरेकी थिइन्।
प्रतिक्रिया