युनिकोड
नेकपाका कार्यकारी अध्यक्ष पुष्पकमल दाहाल प्रचण्डले आज ल्याइएको अध्यादेशप्रति कडा आपत्ति जनाउँदै खारेज हुनुपर्ने बताएका छन्।
मंगलबार साँझ बिबिसी नेपाली सेवासँग कुरा गर्दै प्रचण्डले प्रधानमन्त्री केपी ओलीको कदम गलत भएको पनि बताए।
‘प्रधानमन्त्री केपी ओलीजीको कदम गलत भयो। पार्टीलाई छलेर जसरी अध्यादेश ल्याइएको छ, यसले लोकतन्त्रको उपहास गरेको छ’ प्रचण्डले भने, ‘यसले संसदको पनि अपमान भएको छ। संसद अधिवेशन १७-१८ (पुष) भित्र बसिसक्नुपर्नेछ अहिलेनै एउटा डिजाइनमा अध्यादेश ल्याएर संसदको अपमान गर्ने र संसदलाइ मिनिमाइज्ड गर्ने काम गर्यो।’
उनले यसैपनि संसद अधिवेशन हुनैपर्ने बताए।
‘तीन वर्षदेखि रोकिएका कुरा हठात र नियोजित रुपमा ल्याइएको छ, यो खारेज हुनुपर्छ’, प्रचण्डले भने।
प्रतिक्रिया