युनिकोड
‘पछिल्लो पटक बाइडेनले दाबी गरेका राज्यमा मतदाता र राज्य निर्वाचनमा धाँधलीबारे हामी कानुनी लडाइँ लड्नेछौं। पर्याप्त प्रमाण छन्, सञ्चारमाध्यम हेर्दै गर्दै गर्नुहोला। हामीले जित्नेछौं, अमेरिका फर्स्ट।’
अमेरिकाका वर्तमान राष्ट्रपति एवं आगामी कार्यकालका लागि उम्मेदवार डोनाल्ड ट्रम्पले निर्वाचनमा धाँधली भएकाे दाबी गर्दै यस्तो टि्वट गरेका हुन्।
मतगणना जारी रहेका राज्यमध्ये नेभादामा डेमाेक्रेट उम्मेदवार जो बाइडेन अगाडि छन्।
अन्तर्राष्ट्रिय सञ्चारमाध्यमको प्रोजेक्सनअनुसार ६ इलेक्टोरल संख्या रहेको यस राज्यमा जिते बाइडेनलाई राष्ट्रपति बन्न आवश्यक २ सय ७० इलेक्टाेरल मत पुुग्नेछ।
यता ट्रम्पले अग्रता लिएका जर्जिया, पेन्सिलभेनिया राज्यमा पनि मतान्तर कम हुँदै छ।
ट्रम्पको चुनावी अभियान प्रचार समूहले केही राज्यमा मतगणना रोक्न माग गर्दै अदालतमा उजुरी दिए पनि गणना रोकिएको छैन।
अहिले हुलाक र इमेलमार्फत पठाइएका मतको गणना भइरहेको छ। जुन मत जो बाइडेनलाई धेरै प्राप्त भएका छन्।
याे पनि : राष्ट्रपति बन्नुअघि नै बाइडेनले गरे ह्वाइट हाउसका लागि यस्तो तयारी
प्रतिक्रिया