युनिकोड
सशस्त्र प्रहरीका पूर्वडीआईजी रञ्जन कोइरालालाई सर्वाेच्च अदालतले आधाभन्दा बढी सजाय छुट दिँदै जेलमुक्त गराएपछि सरकारदेखि नागरिकसम्म विराेधमा उत्रिएका छन्।
माइतीघर मण्डलामा प्रदर्शनमा उत्रिनेहरुले ‘अदालतको चोला फेर्न चोलेन्द्रलाई महाअभियोग’, ‘भागबण्डाको गोटीले, उन्मुक्ति पाए भेटीले’, ‘सर्वस्वसहित जन्मकैद भुक्तान गरिरहेका रञ्जन कोइरालालाई उन्मुक्तिको फैसला गर्ने न्यायाधीशलाई महाअभियोग लगाऊ’ जस्ता नारा लेखिएको प्ले कार्ड बोकेका थिए।
प्रदर्शनमा सहभागी मृतक गीता ढकालका बुबा हरेराम ढकालले अदालतको निर्णय त्रुटिपूर्ण भएकाले त्यसमा पुनरावलोकन हुनुपर्ने बताए।
श्रीमती गीता ढकालको हत्या कसुरमा जिल्ला र उच्च (तत्कालीन पुनरावेदन) अदालतले कोइरालाविरुद्ध सर्वस्वसहित जन्मकैद (२० वर्ष) जेल सजाय ताेकेका थिए।
तर गत असार १५ गते सर्वाेच्च अदालतमा प्रधानन्यायाधीश चोलेन्द्र शमसेर जबरा र न्यायाधीश तेजबहादुर केसीको इजलासले साढे ११ वर्ष जेल सजाय छुट दिएपछि काेइराला बिहीबार जेलमुक्त भएका हुन्।
यसविरुद्ध पुनरवलोकन माग गर्दै सरकारका तर्फबाट महान्यायाधिवक्ताको कार्यालयले सर्वोच्च अदालतमा निवेदन दर्ता गराइसकेको छ भने राजनीतिक दल तथा नागरिक पनि विरोधमा उत्रिएका छन्।
उक्त फैसलाविरुद्ध अहिले शीर्ष नेतादेखि नागरिक सम्मका सामाजिक सञ्जाल तीव्र आक्रोशले भरिएका छन्। प्रधानन्यायाधीशकै नियतप्रति प्रश्न उठाइएको छ। उनलाई महाभियोग लगाउनुपर्नेसम्म माग उठेकाे छ।
पूर्वप्रधानमन्त्री एवं जनता समाजवादी पार्टीका वरिष्ठ नेता डा. बाबुराम भट्टराईले त दुई दुईवटा ट्विट गरेर विराेध जनाएका छन्। पूर्वडीआईजी काेइरालालाई सजाय छुट दिने न्यायाधीशविरुद्ध महाभियोग लगाउनुपर्ने माग उनले गरेका छन्।
डा. भट्टराईले ट्विट गरेका छन्, ‘अपराधका संरक्षक न्यायाधीशमाथि महाभियोग लगाऊँ।’
देश गम्भीर संकटतिर जाँदैछ।लोकतान्त्रिक ढंगले संकटमोचन गर्न यसो गरौं:१.संसद अधिवेशन बोलाऊँ;२.KPOलाई विदा गरेर नेकपाभित्रैबाट नयाँPMचयन गरौं;३.अपराधका संरक्षक न्यायाधीशमाथि महाभियोग लगाऊँ;४.भ्रष्टाचार रोक्न शक्तिशाली लोकपाल गठनगरौं;५.प्रत्यक्ष निर्वाचित कार्यकारी राष्ट्रपतिमा जाऊँ!
— Baburam Bhattarai (@brb1954) July 24, 2020
पत्नीको हत्या गर्ने डिआइजी अदालतबाट सजाय कटौती गराएर विजयी राजनेता झैं हात हल्लाउँदै निस्कन्छ! जाँड खाएर गाडी चलाउँदा सडकपेटीमा मान्छे मार्ने धनाढ्यको छोरो अदालतबाट धरौटीमा रिहा हुन्छ!सांसद अपहरण गर्ने पूर्व आइजीपी विरूद्ध सरकारले मुद्दै चलाउँदैन! यो असफल राज्यको लक्षण नभए के हो?
— Baburam Bhattarai (@brb1954) July 23, 2020पत्नीको हत्या गर्ने डिआइजी अदालतबाट सजाय कटौती गराएर विजयी राजनेता झैं हात हल्लाउँदै निस्कन्छ! जाँड खाएर गाडी चलाउँदा सडकपेटीमा मान्छे मार्ने धनाढ्यको छोरो अदालतबाट धरौटीमा रिहा हुन्छ!सांसद अपहरण गर्ने पूर्व आइजीपी विरूद्ध सरकारले मुद्दै चलाउँदैन! यो असफल राज्यको लक्षण नभए के हो?
— Baburam Bhattarai (@brb1954) July 23, 2020
यस्तै साझा पार्टीका अध्यक्ष रवीन्द्र मिश्रले पनि ट्विट गर्दै भनेका छन्, ‘न्यायलयमाथि हस्तक्षेप गर्ने राजनीतिले कहिल्यै देश, जनता र लोकतन्त्रको भलो गर्दैन। न्याय मर्नु भनेको मानवता मर्नु हो।’
कहिलेकाहिँ लाग्छ, न्यायमाथि राजनीति हावि हुँदा यो देशमा कति निर्दोषहरू वर्षौँदेखि जेलमा कोचिएका होलान् र कति दोषीहरू गाउँ-शहरमा उन्मुक्त हाँसो हाँसिरहेका होलान्। न्यायलयमाथि हष्तक्षेप गर्ने राजनीतिले कहिल्यै देश, जनता र लोकतन्त्रको भलो गर्दैन। न्याय मर्नु भनेको मानवता मर्नु हो।
— Rabindra Mishra (@RabindraMishra) July 23, 2020
यस्तै नेकपा नेतृ रामकुमारी झाँक्रीले पनि यो घटनाले न्यायालयले विवेक प्रयोग गर्छ भन्ने मान्यता नराम्रोसँग खण्डित भएको बताएकी छन्। ट्विटरमा उनले लेखेकी छन्, ‘अदालतप्रति जनताको विश्वास मर्न नदिन यो मुद्दाको न्यायिक पुनरावलोकन होस्।’
तर छुटेपछि उनलाई लिन उनका बच्चाहरू होईन, हत्याकाण्डको पृष्ठभूमीको पात्र जेल बाहिर उनलाई स्वागत गर्न बसेको देखियो ।
— Ram kumari Jhakri (@Jhakri_didi) July 23, 2020
न्यायालयले विवेक प्रयोग गर्छ भन्ने मान्यता नराम्रोसंग खण्डित भएको छ।
अदालतप्रतिको जनताको विश्वास मर्न नदिन यो मुद्धाको न्यायिक पुनरावलोकन होस।
यस्तै जुगल भुर्तेलले सजाय छुट दिने फैसलाको प्रतिलिपि सार्वजनिक गर्दै प्रश्न गरेका छन्, ‘यो फैसलाले संसदमा व्यापक बहसको माग गर्छ। जघन्य अपराधमा कानुनअनुसार सजाय गर्ने हो कि न्यायाधीशको ‘चित्तमा लागे’ अनुसार?’
यो फैसलाले संसदमा व्यापक बहसको माग गर्छ।जघन्य अपराधमा कानून अनुसार सजाय गर्ने हो कि न्यायाधीशको ‘चित्तमा लागे’ अनुसार? पीडितको जलेर क्षतविक्षत भएको अनुहार सम्झेर विचलित नभएको न्यायधीशको चित्त हत्याराको नक्कली आँसूको भेलमा बग्ने?मान गर्न त मन लाग्छ नि ‘श्रीमान्’ तर गर्नु पो कसरी? pic.twitter.com/dS1VhUy4i7
— Jugal Bhurtel (@JugalBhurtel) July 23, 2020
यस्तै पत्रकार बसन्त बस्नेतले पनि अड्डा अदालतमा ‘श्रीमान’हरूले आतंक मच्चाएको भन्दै आक्रोश पोखेका छन्।
अड्डा अदालतमा बसेर खुलमखुल्ला आतंक मच्चाउदै छन् श्रीमानहरू।
— Basanta Basnet (@basantabasnet) July 23, 2020
अख्तियार दूरुपयोग, अपारदर्शी कदमले सम्पूर्ण सीमा नाघ्दा हामी चुप ?
कस्तो बिषाक्त मौनता!
हिजोको हत्या आतंकभन्दा पनि हानिकारक मौनता !!
अलिअलि गर्दै लोकतन्त्रको प्राण उड्दै छ। हामी प्रत्येकको परीक्षा हुँदै छ। #Enough
यसैबीच पूर्वडीआईजी कोइराला रिहाइविरुद्ध नागरिकका तर्फबाट आज दिउँसो काठमाडौंको माइतीघर मण्डलामा प्रदर्शन गर्ने बताइएको छ।
याे पनि: काेइराला प्रकरणमा पीडित परिवारकाे गुनासाे: सर्वोच्चले गलत नजिर स्थापित गर्न खोज्यो
प्रतिक्रिया