युनिकोड
नवनियुक्त प्रधानमन्त्री बालेन्द्र शाह (बालेन) को १५ सदस्यीय मन्त्रिपरिषद्मा सुधन गुरुङको उदय निकै रोचक देखिएको छ। पार्टीका दिग्गज र अनुभवी अनुहारहरूलाई पछि पार्दै गुरुङले सरकारको 'शक्तिशाली' तेस्रो वरीयतासहित गृह मन्त्रालयको चाबी हात पारेका हुन्।
वरीयतामा प्रधानमन्त्री बालेन र अर्थमन्त्री डा. स्वर्णिम वाग्लेपछिको महत्वपूर्ण स्थानमा सुदन अटाएका छन्।
देशको आन्तरिक सुरक्षा, शान्ति सुव्यवस्था र ७७ वटै जिल्लाको प्रशासन संयन्त्र परिचालन गर्ने गृह मन्त्रालयको बागडोर पाउनुले गुरुङलाई बालेन क्याबिनेटको 'मुख्य खम्बा' का रूपमा स्थापित गरेको छ।
पार्टीभित्र रणनीतिक र सांगठनिक पकड राख्ने सुदनका लागि यो पद जति शक्तिशाली छ, त्यति नै चुनौतीपूर्ण पनि।
प्रहरी प्रशासनको शुद्धीकरण र सुशासनको जनअपेक्षा पूरा गर्ने मुख्य जिम्मेवारी अब उनकै काँधमा आएको छ। वाग्लेको 'विज्ञता' सँगै गुरुङको 'एक्सन' ले बालेन सरकारको सफलत, असफलता तय गर्ने चर्चा सुरु भएको छ।
प्रतिक्रिया