युनिकोड
उज्यालो नेपाल पार्टीबाट काठमाडौँ-१० का उम्मेदवार डा. राकेश न्यौपानेले घरदैलो अभियान सुरु गरेका छन्।
चुनावी प्रचारका क्रममा मतदातासँग भेटघाट गरिरहेको उनले बताए। मतदाताको घरदैलोमै पुगेर उज्यालो नेपाल र आफ्नो दृष्टिकोण सुनाइरहेको उनले बताए।
चुनावी मैदानमा रहेका डा. न्यौपाने चर्चित चिकित्सक र समाजसेवी हुन्। उनले २०७२ सालको विनाशकारी भूकम्पको समयमा देशका विभिन्न दुर्गम तथा ग्रामीण क्षेत्रमा स्वयंसेवी चिकित्सकका रूपमा सेवा गरेका थिए।
त्यस क्रममा स्वास्थ्य, सामाजिक र आर्थिक चुनौतीहरू नजिकबाट बुझेको बताउँदै तिनलाई सम्बोधन गर्न काम गर्ने उनको भनाइ छ।
सामाजिक न्याय, सुशासन, शिक्षा, स्वास्थ्य र युवामैत्री रोजगारमा केन्द्रित रहेर मतदातासँग कुराकानी गरिरहेको उनी सुनाउँछन्।
यसअघि उनी २०७९ सालको प्रतिनिधि सभाको निर्वाचनमा बाराबाट स्वतन्त्र उम्मेदवार बनेका थिए। यस पटक भने उज्यालो नेपाल पार्टीबाट काठमाडौँ-१० मा उम्मेदवारी दिएका छन्।
प्रतिक्रिया