युनिकोड
उज्यालो नेपाल पार्टीका अध्यक्ष कुलमान घिसिङले नेपाली कम्युनिस्ट पार्टीसँग एकीकरण हुन लागेको भन्ने हल्ला भ्रामक र असत्य भएको बताएका छन्।
पूर्वमन्त्रीसमेत रहेका घिसिङले बुधबार सामाजिक सञ्जालमार्फत नेपाली कम्युनिस्ट पार्टी लगायतसँग एकीकरण हुन लागेको भन्ने प्रचारको खण्डन गरेका हुन्।
‘विभिन्न सामाजिक सञ्जालमा म अध्यक्ष रहेको उज्यालो नेपाल पार्टी र मेरो नाम जोडेर अन्य पार्टीहरू, विशेषगरी नेपाली कम्युनिस्ट पार्टी लगायतसँग एकीकरण हुन लागेको भन्ने हल्ला पूर्ण रूपमा भ्रामक र असत्य हो’, उनले लेखेका छन्, ‘उज्यालो नेपाल पार्टी कुनै पनि पार्टीसँग एकीकरण नगरी आफ्नै नीति, सिद्धान्त र कार्यक्रमका आधारमा स्वतन्त्र रूपमा अगाडि बढिरहेको र भविष्यमा पनि त्यसैगरी अघि बढ्ने स्पष्ट जानकारी गराउन चाहन्छु। यस्ता निराधार र भ्रम फैलाउने समाचारमा विश्वास नगर्नु हुन सबैमा हार्दिक अनुरोध गर्दछु।’
यसअघि राष्ट्रिय स्वतन्त्र पार्टी (रास्वपा) सँग पार्टी एकता गरेका उनी १२ दिनमै बाहिरिएका थिए।
प्रतिक्रिया