युनिकोड
नेकपा (एमाले)का उपाध्यक्ष विष्णु पौडेलले तोकिएको मितिमा निर्वाचन हुने विषयमा अझै विश्वस्त हुन नसकिएको बताएका छन्।
शनिबार बुटवलमा सञ्चारकर्मीहरूसँग कुरा गर्दै उनले निष्पक्ष, स्वतन्त्र र भयरहित निर्वाचनका लागि आवश्यक वातावरण अझै नबनेको जिकिर गरे।
‘तोकिएको मितिमा निर्वाचन हुन्छ भन्नेमा हामी अझै विश्वस्त हुन सकेका छैनौँ,’ पौडेलले भने, ‘निर्वाचन निष्पक्ष, स्वतन्त्र र भयरहित वातावरणमा हुनुपर्छ, तर त्यसका लागि आवश्यक कामहरू अहिले पनि पूरा भएका छैनन्।’
उपाध्यक्ष पौडेलले सबै मतदाताले निर्भयताका साथ मतदान गर्न पाउने र सबै राजनीतिक दलले प्रतिस्पर्धा गर्न सक्ने वातावरण बनाउने जिम्मेवारी सरकारको भएको उल्लेख गरे। ‘सरकारले निर्वाचनसँग सम्बन्धित तयारी र आवश्यक कामहरूलाई गम्भीरतापूर्वक अघि बढाउनुपर्छ,’ उनले थपे।
उनले एमाले सधैं निर्वाचनको पक्षमा रहेको पनि स्पष्ट पारे।
प्रतिक्रिया