युनिकोड
जेनजी आन्दोलनका घटना जाँचबुझ आयोगका अध्यक्ष गौरीबहादुर कार्कीले नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीलाई बयानमा बोलाउने क्रममा रहेको बताएका छन्।
बिहीबार सिंहदरबारमा सञ्चारकर्मीले अध्यक्ष कार्कीलाई सोधे– एमाले अध्यक्ष ओलीलाई बयानमा कहिले बोलाउनुहुन्छ?
अध्यक्ष कार्कीले भने, ‘उहाँलाई बोलाउने क्रममा छौँ हामी।’
‘बोलाउँदा पनि आउनु भएन भने के गर्नु हुन्छ?’ सञ्चारकर्मीले सोधे।
‘आउनु भएन भने भोलिको कुरा भोलि नै हुन्छ’, कार्कीले भने।
जाँचबुझ आयोगले पूर्व गृहमन्त्री रमेश लेखकसहित अन्य सरोकारवाला व्यक्तिसँग सोधपुछ र बयान लिइसकेको छ। तर सबैको ध्यान पूर्वप्रधानमन्त्री ओलीको बयान कसरी हुन्छ भन्नेमा छ।
ओलीले जाँचबुझ आयोगलाई नै अवैधानिक भन्दै बयान नदिने बताएका छन्। तर सरकार, जाँचबुझ आयोग र ओलीबीच ओली निवास गुण्डुमै पुगेर बयान लिने समझदारी बनिसकेको ओली निकट एमाले नेताले बताएका छन्।
प्रतिक्रिया